دوا کھانے کی دعا؟

سوال :

محترم مفتی صاحب دوائیں کھانے سے پہلے ہمارے یہاں جو پڑھا جاتا ہے بسم اللہ، اللہ شافی، اللہ کافی کیا یہ واقعی میں دوا کھانے کی دعا ہے؟ اگر نہیں تو دوائیں کھانے سے پہلے کونسی دعائیں پڑھنا مسنون ہیں؟ رہنمائی فرمائیں۔
(المستفتی : مدثر انجینئر، مالیگاؤں)
--------------------------------------
بسم اللہ الرحمن الرحیم
الجواب وباللہ التوفيق : دوا کھانے سے پہلے کسی مخصوص دعا کا پڑھنا نبی کریم صلی اللہ علیہ و سلم سے ثابت نہیں ہے۔ لہٰذا یہاں بھی یہی کہا جائے گا کہ جس طرح ہر کام کے شروع میں چونکہ بسم اللہ پڑھنا خیر وبرکت کا باعث ہوتا ہے، پس دوا کھانے سے پہلے بھی بسم اللہ پڑھنا مسنون ہوگا تاکہ دوا میں برکت ہو اور اللہ کے نام کی برکت سے جلد صحت یابی ملے۔

سوال نامہ میں مذکور الفاظ "بسم اللہ، اللہ شافی، اللہ کافی" ترجمہ : اللہ کے نام سے (دوا کھاتا ہوں)، اللہ ہی شفاء دینے والا اور اللہ ہی کافی ہے۔" پڑھنا جائز تو ہے، تاہم اسے سنت نہ سمجھا جائے۔

عَنْ عَائِشَةَ رَضِيَ اللَّهُ عَنْهَا أَنَّ رَسُولَ اللَّهِ صَلَّی اللَّهُ عَلَيْهِ وَسَلَّمَ قَالَ إِذَا أَکَلَ أَحَدُکُمْ فَلْيَذْکُرْ اسْمَ اللَّهِ تَعَالَی فَإِنْ نَسِيَ أَنْ يَذْکُرَ اسْمَ اللَّهِ تَعَالَی فِي أَوَّلِهِ فَلْيَقُلْ بِسْمِ اللَّهِ أَوَّلَهُ وَآخِرَهُ۔ (سنن أبي داود، رقم : ٣٦٦٧)فقط
واللہ تعالٰی اعلم
محمد عامر عثمانی ملی
16 جمادی الآخر 1445