مفت کا گیہوں صدقہ فطر میں دینا

سوال :

مفتی صاحب! فری میں راشن کارڈ پر اناج مل رہا ہے، اگر لوگ فری میں اناج صدقہ فطر میں ادا کریں تو ادا ہوگا؟ اس کا جواب دیجئے۔
(المستفتی : حافظ رمضان، مالیگاؤں)
----------------------------------------
بسم اللہ الرحمن الرحیم
الجواب وباللہ التوفيق : راشن کارڈ پر مفت میں ملنے والا گیہوں اس لائق ہو کہ اسے کھایا جاسکتا ہے تو پھر اسے صدقہ فطر میں دینا جائز ہے، جو لوگ ایک فرد کی طرف سے پونے دو کلو گیہوں کسی غریب مسکین کو دے دیں تو ان کا صدقہ فطر ادا ہوجائے گا۔ اگرچہ زیادہ بہتر یہی ہے کہ صدقات وغیرہ میں خوب اچھا مال دیا جائے یا پھر مارکیٹ کے اعتبار سے پونے دو کلو گیہوں کی قیمت ادا کی جائے تاکہ غرباء اپنی دیگر ضروریات کی چیزیں خرید لیں۔

وھی نصف صاع من بر او دقیقہ او سویقہ او صاع تمر او زبیب او شعیر۔ (حاشیۃ الطحطاوی علی المراقی : ۳۹۵)فقط
واللہ تعالٰی اعلم
محمد عامر عثمانی ملی
23 رمضان المبارک 1444