سرکاری راشن دوکان سے ملے ہوئے اناج فروخت کرنا

سوال :

ایک مسئلہ دریافت کرنا ہے سرکار کی طرف سے مہینے میں ایک یا دو بار جو راشن دیتا ہے اور وہ راشن کئی بار خراب ہوتا ہے تو یہ راشن بیچ کر پیسہ استعمال میں لانا کیسا ہے؟ جواب عنایت فرمائیں۔
(المستفتی : حافظ عفان، مالیگاؤں)
----------------------------------------
بسم اللہ الرحمن الرحیم
الجواب وباللہ التوفيق : راشن کارڈ ہولڈر اپنے کارڈ کے ذریعے سرکاری سستے اناج کی دوکان سے اناج خریدنے کے بعد اس کا مالک بن جاتا ہے، لہٰذا اسے اس بات کا شرعاً اختیار ہے کہ اسے خود استعمال کرے یا فروخت کردے۔ اور اس پر ملنے والا منافع بھی اس کے لیے حلال ہے جس کے ذاتی استعمال میں شرعاً کوئی قباحت نہیں ہے۔

کل یتصرف في ملکہ کیف شاء۔ (شرح المجلہ، رستم اتحاد، ۱/۶۵۴-۱۱۹۲)

أن من تصرف في خالص ملکہ لا یمنع منہ ولو أضر بغیرہ۔ (شامي، مطلب اقتسموا ٔدارًا وأراد کل منہم فتح باب لہم ذلک، ۸/۱۵۳)فقط
واللہ تعالٰی اعلم
محمد عامر عثمانی ملی
06 ربیع الآخر 1444