سوال :
مفتی صاحب ! و آدمیوں نے بیک وقت ایک دوسرے کو سلام کہا تو دونوں پر سلام کا جواب دینا واجب ہوگا یا نہیں؟ رہنمائی فرمائیں۔
(المستفتی : لئیق احمد، مالیگاؤں)
------------------------------------------------------------
بسم اللہ الرحمن الرحیم
الجواب وباللہ التوفيق : جب دو لوگ ملاقات کے وقت یا فون کال پر ایک ساتھ ایک دوسرے کو "السلام علیکم" کہیں تو دونوں پر سلام کا جواب دینا یعنی "وعلیکم السلام" کہنا واجب ہوجائے گا۔
عن أبي ہریرۃ رضي اللّٰہ عنہ قال : سمعت رسول اللّٰہ صلی اللّٰہ علیہ وسلم یقول: حق المسلم علی المسلم خمس : رد السلام … الخ۔ (صحیح البخاري، رقم: ۱۲۴۰)
إن السلام سنۃ واستماعہ مستحب، وجوابہ أي ردہ فرض کفایۃ، وإسماع ردہ واجب۔ (شامي / کتاب الحظر والإباحۃ، ۹؍۵۹۳)فقط
واللہ تعالٰی اعلم
محمد عامر عثمانی ملی
14 جمادی الاول 1442
کوئی تبصرے نہیں:
ایک تبصرہ شائع کریں