قالین، گادی وغیرہ کو پاک کرنے کا طریقہ

*قالین، گادی وغیرہ کو پاک کرنے کا طریقہ*

سوال :

کیا فرماتے ہیں علماء دین ومفتیان شرع متین درمیان مسئلہ ھذا کہ قالین پر بچہ پیشاب کردے تو اسے کس طرح پاک کیا جائے؟
(المستفتی : محمد زاہد، مالیگاؤں)
--------------------------------
بسم اللہ الرحمن الرحیم
الجواب وباللہ التوفيق : قالین، گادی وغیرہ جسے بِھگونے کے بعد نچوڑا نہ جاسکے وہ اگر ناپاک ہوجائے، تو اس کے پاک کرنے کا طریقہ یہ ہے کہ تین مرتبہ اس پر اتنا پانی ڈالا جائے کہ پانی نیچے سے ٹپکنے لگے، ہر مرتبہ پانی ڈال کر اتنی دیر چھوڑ دیا جائے کہ اس سے پانی ٹپکنا بند ہوجائے، (پوری طرح سوکھنا ضروری نہیں) تین مرتبہ ایسا کرنے سے قالین، گادی وغیرہ پاک ہوجائے گی۔

وما لا ینعصر یطہر بالغسل ثلاث مراتٍ والتجفیف فی کل مرۃ؛ لأن للتجفیف أثراً فی استخراج النجاسۃ۔ وحد التجفیف أن یخلیہ حتی ینقطع التقاطر ولا یشترط فیہ الیبس، ہٰکذا فی محیط السرخسی۔ (الفتاویٰ الہندیۃ،۱؍۴۲)
مستفاد : کتاب المسائل)فقط
واللہ تعالٰی اعلم
محمد عامر عثمانی ملی
25 ربیع الآخر 1441